Lesson 5

بسم الله الرحمن الرحيم

والصلاة والسلام على سيدنا محمد صل الله عليه وسلم

إن شاء الله النهارده هنتكلم عن ال Class .

اولاً: ما هى ال Class :

هى عباره عن وعاء بنضع فيه مواصفات ووظائف شئ معين ، يعنى ايه الكلام ده ؟

مثلا : السيارات هنعتبر ان السيارات هى الشئ اللى هعمّله Class وهذا ال Class هيحتوى على مواصفات السيارات والوظائف التى تقوم بها.

-         وال Class يحتوى على حاجتين :

1-   Properties: وهى الخصائص الخاصه بال Class وفى مثال السيارات هتكون مثلا السرعه ، اللون ، أبعاد السيارة ، الماركة وكل الخصائص المتعلقة بالسيارات.

2-   Method: وهى الوظائف التى تقوم بها ال Class وفى مثال السيارات هتكون مثلا تشغيل السيارة واى وظيفه اخرى.

ثانياً: ازاى نعمل Class :

-         نعمل Right Click على المشروع بتاعنا ثم new ثم Class

-         نكتب اسم ال Class والمرة ديه مش هنعلم على public static void main لاننا مش عايزين ال Class ديه تكون ال main

-         ثم نعمل finish هنلاقى ال Class اتعملت ونلاقى الشكل ده :

-         هنلاقى public ديه ال Access modifier ثم كلمه class وبعد كده اسم ال  class ،عشان لو عايزين نكتب ال class بنفسنا وهى ديه طريقه كتابة ال class.

·       تعريف Properties and Method داخل ال Class :

اولاً: ال properties  ليها اكتر من اسم زى fields او parameters

، ازاى بنعرفهم ؟ زى ما بنعرف اى variables

-         وفى الشكل السابق بنعتبر num1 and num2 هما ال properties الخاصه بال class .

-   طب ازاى بنعرف method ؟ زى ما اتعلمنا الدرس السابق

-         فى الشكل السابق عملنا method اسمها sum  وبتجمع رقمين

-         طب ازاى برده نستخدم ال method  ديه ؟ ده اللى قولنا هنقوله ان شاء الله المره ديه

-         مبدئيا كده لو انا عايزه اشغل ال method  هروح على main وهاخذ objectمن ال class اللى عملناها ، اول مره نسمع كلمه object  ؟ هى عباره عن صوره من ال class  فى ال memory يعنى فيها كل خصائص ووظائف ال class .

-         طب ازاى ناخذ object من ال class بتاعتنا ؟

-         السطر اللى علية المربع الاحمر هو ده طريقه تعريف ال object

بكتب اسم ال class ثم اسم ال object اللى هعمله أى اسم طبعا ثم اعمل = ثم new  كأنى لما بكتب new بقول افتح مكان جديد فى ال memory  لل object اللى اسمه مثلا t ونوعه Test اللى هو اسم ال class.

-         طب امته بقه هنستخدم ال method ؟

-         ال method اللى اسمها sum  بترجع قيمه من نوع int يبقى اجهز ليها variable نوعه int عشان يستقبل القيمه اللى راجعه من ال method .

-         ثم اكتب اسم ال object اللى هو هنا t  اكتب . نقطه يعنى هلاقى هيظهر كل الخصائص والوظائف اللى احنا كتبناها فى ال class ، ثم اختار sum method

-         وعشان نشوف ونتأكد انها شغاله نعرضها فى System.out.println()

-         وده شكل ال run 

-         وديه طريقه استخدام ال method  اننا ناخد object  من ال class التى تحتوى على ال method اللى احنا عايزين نستخدمها ثم نكتب اسم ال object.method name وبعد كده تشتغل معانا .

·       Constructor :

-         ده نوع خاص من ال method وبيكون اسمه نفس اسم ال class اللى هو مكتوب فيها وبيكون كمان من غير return value .

-         اى class يحتوى على Constructor حتى لو احنا مش كتبينه ازاى الكلام ده ؟

لو خدناه بالنا واحنا بنعّرف ال object بعد علامه ال =  كتبنا new Test() القوسين الفاضيين دول هما ال default Constructor كأنه method without input parameter بس اقدر اكتب اى كود داخل ال constructor ده .

-         من صفات الconstructor  انه اول حاجه بتتنفذ بمجرد ما بعمل object من ال Class .

-         ممكن نتاكد ازاى ؟ نعّرف ال constructor  داخل ال class ونكتب جواه انه يعرض hello world هنلاقى فى المثال السابق مثلا انه هيعرض hello world قبل ما يعرض مجموع الرقمين ولازم نجربها بنفسنا عشان نفهم اكتر

-         ده شكل ال constructor

-         لو جربنا وعملنا  run هنلاقى الشكل ده

هنلاقى انه طلع   hello world قبل مجموع العددين وده معناه ان اول شئ اتنفذ هو ال constructor .

-         ممكن كمان ناخد الرقمين اللى عايزين نجمعهم عن طريق ال Constructor  بدل ما احنا مثبتين رقمين داخل ال class ممكن ناخدهم من خارج الclass  والmethod  ترجّع قيمه جمعهم  .

-         وده هيكون شكل ال Class وهو يحتوى على ال constructor  وال properties وال method

وده هيكون شكل ال main

وده شكل ال Run

-         بكده نفهم ان اى حاجه نحب ننفذها اول ما نتعامل مع ال Class نحطها فى ال constructor .

وكده نكون خلصنا الدرس الخامس ويارب تكونوا استفتدوا منه .

-         Task :

n    نعمل library تحتوى على كتب وكل كتاب ليه المؤلف بتاعه والكميه واسمه

n    داخل المكتبه نعمل search method اول ما تاخذ اسم الكتاب لو موجود تعرض اسم المؤلف واسم الكتاب ولو مش موجود يطلع رساله بتقول ان الكتاب غير موجود .

السلام عليكم ورحمة الله وبركاته