بسم الله الرحمن الرحيم
والصلاة والسلام على سيدنا محمد صل الله عليه وسلم
المره اللى فاتت وقفنا عند selection statements وإن شاء الله النهارده نكمل باقى ال Control Statement وهما :
- Iteration Statements.
- Jump Statements.
1- Iteration Statements : ووظيفها هى تكرار اى أمر احنا محتاجين نكرره وليكن مثال بسيط عايزين نطبع اسامينا عشرة مرات هل يُعقل انى هكتب الكود واكرره عشرة مرات ، طب لو عايزه اكرره 100 مرة ، عشان كده Iteration statement بتسهل علينا موضوع التكرار وليها انواع وهى :
· Pre-Condition Loop : وديه معناها انى بتأكد الاول ان الشرط بتاعى متحقق عشان ادخل اصلا فى عمليه التكرار وهنفهم دلوقتى موضوع الشرط ده ، وممكن اقدر انفذ ال pre-Condition loop عن طريق حاجتين :
n For Loop : وطريقه كتابتها كالتالى :
1- اول جزء فى for loop هو initialization اللى هو(int i=0)وديه معناها ان بحط قيمه مبدئية ببدأ العد من عندها ومش لازم القيمه تكون 0.
2- ثانى جزء هو ال condition (i <10)وهو ده
الشرط اللى بتأكد انه متحقق قبل ما ادخل فى ال loop وفى المثال اللى فى الصورة
هيستمر فى التكرار طالما i <10 وأول ما توصل
ل 10 هيخرج بره ال loop.
3- الجزء الثالث هو ال counter وفيه بزود القيمه المبدئيه اللى وضعناها فى اول جزء , i++ معناها i=i+1 كأنى بزود 1 على قيمه الi .
4- والجزء الرابع وهو ال code اللى هنفذه داخل ال loop .
ملحوظة : أثناء تنفيذ هذه العمليه الترتيب بيكون كالتالى :
1) Initialization.
2) Check condition.
3) Execute code.
4) Then counter.
وعشان اطبع hello world مثلا عشرة مرات هكتب هيكون بالطريقه ديه :
n While loop : وطريقة كتابتها كالتالى
وفيها برده نفس مكونات ال for loop وهى :
1) Initialization بس بكتبها قبل ما بكتب ال while زى المثال اللى فى الصورة.
2) Condition وده بكتبه فى القوسين بتوع ال while.
3) Code وده داخل ال while.
4) واخر حاجه ال counter وبكتبه بعد كتابه الكود اللى عايزين ننفذه بس قبل ما اخرج من ال while.
وممكن تطبقوا مثال كتابه "hello world" اللى عملنا فى الfor loop عليه .
ثانى حاجه فى أنواع ال iteration Statements :
· Post-Condition Loop : وديه معناها اننا بننفذ الكود اللى داخل الloop الاول وبعد كده بتأكد من تحقق الشرط ، وبنفذها عن طريق :
n Do-while Loop : وطريقه كتابتها كالتالى
1) Initialization بس بكتبها قبل ما بكتب ال do-while .
2) Code وده داخل ال do-while.
3) ال counter وبكتبه بعد كتابه الكود
4) واخر حاجه بكتب ال condition داخل القوسين اللى جنب ال while.
والترتيب فى التنفيذ كالآتى :
اولاً بضع قيمه مبدئيه ثم يدخل داخل ال loop وينفذ الكود وينفذ ال counter واخر حاجه check condition نفهم من كده ان لو ال condition من اول تنفيذ ال Loop مش متحقق هينفذ ال loop مره واحده.
- يبقى الفرق اللى بين ال while loop and for loop)) و (do-while loop) ان الاول لازم الشرط يتحقق والا مش هينفذ اى كود لكن التانى هينفذ الكود مره على الاقل ده لو الشرط مش متحقق لكن لو متحقق هينفذ اكتر من مره على حسب ال counter .
- وبكده يبقى خلصنا ال iteration Statements ندخل على اللى بعدها :
1- Jump Statements : وديه وظيفتها انها بتمكننا للانتقال من جزء فى الكود احنا واقفين عنده لجزء تانى وانواعها :
n Break : والكلمه ديه احنا شوفناها قبل كده فى switch case وقولنا ان معناها انها بتخرجنا بره ال switch case ولو استخدمناها فى اى نوع من انوع ال loop معناها انه البرنامج لما ينفذها هيخرج بره ال loop خالص وهينفذ الكود اللى مكتوب بعد ال loop لو فيه كود .
ناخذ مثال توضيحى عليها :
نفهم من المثال السابق ان ال loop هيفضل يكرر hello world 6 مرات لانه بدأ من صفر الى 5 وفى كل مره كان بيشوف الرقم وصل ل 5 ولا لا واول ما القيمه i وصلت ل 5 حقق الكود اللى داخل if statement وعمل Break وخرج من ال loop خالص وماكملش لحد ال i ماتوصل 10 .
n Continue : وديه وظيفتها انها بتعمل skip للجزء اللى انا وافقه فيه معناه ايه الكلام ده ممكن نوضح على المثال السابق مثلا :
من المثال السابق نلاحظ ان عدد "Hello world" 9 مش 10 ليه ؟ مع ان البرنامج مفروض ينفذ 10 عشان ال condition ان ال i بتبدأ من 0 وبتكرر لحد 9 يعنى مفروض يطبع 10 مرات ومن هنا نبتدى نفهم وظيفه continue فى المثال كان كل مره طالما i لا تساوى 5 بيطبع "Hello world" لكن اول ما i ساوت 5 عمل continue كأنه عمل skip لباقى الكود اللى مكتوب تحت الif وكمل ال loop عادى بعد كده ، يعنى ما خرجش بره ال loop زى ال break لا ده عمل skip بس وكمل باقى ال loop .
n Return : وديه إن شاء الله هنتعرف عليها اكتر لما ناخد ال method فى الدروس القادمة لانها بتستخدم داخل ال method .
وبكده نكون خلصنا كل ال Control Statements وندخل فى جزء اخر وهو ال Array
اولاً: ايه وظيفه ال array :
هو معناه مصفوفه وبقدر من خلاله تخزين اكتر من قيمه داخله يعنى بدل ما اخزن اكثر من قيمه كل واحده فى variable خاص بيها ممكن اخزنهم كلهم مع بعض فى array واحد .
طبعا هو ليه كذه نوع بس احنا دلوقتى هناخد ابسط نوع فيه وإن شاء الله فى الدروس القادمه لما ندخل فى الأندرويد هنتعمق اكثر فيه ، المهم دلوقتى نفهم فكرته وطريقه استخدامه .
ثانياً: ازاى بستخدمه ، وازاى بكتبه فى الكود بتاعى :
String [] str=new String[Size];
Str[0]="Hello"
ديه حاجه بسيطه نفهم منها طريقة كتابته:
- String اللى فى الاول ديه بعرف بيها نوع البيانات اللى هتتخزن فى ال array يعنى ممكن بدل string تبقى int يعنى نوع البيانات اللى هخزنها ارقام صحيحة
- [] والقوسين بالشكل ده لازم اكتبهم بعد نوع البيانات ودول معناهم انى بعمل array
- Str ده اسم ال array
- New String[size] وبالجمله ديه كأنى بقول افتح مكان جديد فى ال memory لل array اللى اسمه Str ، وsize ديه حجم ال array وممكن تكون اى عدد انا احطه يعنى لو قولت ال size 5 يبقى ال array ده مش هيقدر يشيل اكتر من 5 بيانات .
- Str[0] ديه طريقه تعبئة البيانات فى ال Array هو بيبدأ من ال position zero يعنى لو حجمه 5 يبقى من اول position zero à 4 واضع البيانات كده str[1]="Data" وهكذا ، وديه معناها ان ال position رقم 1 حط فيه كلمه "Data"
- وفى طريقه تانيه لوضع البيانات وبتكون كده:
String [] str={"Data1","Data2","Data3"};
والطريقه ديه مش بتحتاج انى اكتب new ولا انى اكتب ال size بتاع ال array
وكده نكون خلصنا الجزء المُبسط الخاص بال array
- Task : هتكون كالآتى :
1- اخد size بتاع array من ال user
2- واعرّف ال Array بالحجم اللى خدناه من الuser ويكون نوع البيانات int
3- وبعد كده ناخد ال data اللى هنضعها فى الarray من ال user
4- اخر حاجه اطبع لل user حاجتين sum of data , Average of data
يعنى جمع البيانات والمتوسط بتاعهم .
وبكده نكون خلصنا الدرس ويارب تكونوا استفدوا من الدرس النهارده
وده اللينك بتاع حل Task الدرس السابق :
السلام عليكم ورحمة الله وبركاته
No comments:
Post a Comment